Bakıda bir dayanacağa görə yaranan problemlər – FOTO - VİDEO

Bakıda dayanacağın qarşısına yığılan su sərnişinlərin probleminə çevrilib. Bu barədə oxucularımızdan biri Avtosfer.az-ın qaynar xəttinə şikayətlə müraciət edib.

Belə ki, Qaradağ rayonu, Lökbatan yolu, “Cənub Qapısı” yaşayış massivinin qarşısındakı dayanacağın önünə yığılan yağış suları gölməçəyə çevrilir və sərnişinlərin avtobusa minib-düşməsinə maneə yaradır.

Bəzi sürücülər həmin hissəni elə sürətlə keçir ki, su dayanacağda dayanan insanların üzərin sıçırayır və hətta elə olub ki, üstü islanan bir neçə vətəndaş yenidən evə qayıdıb üst-başını dəyişməli olub.

Şikayətçi bildirib ki, avtobuslar dayanacağa daxil ola bilmir və məcbur olub piyada keçidinin üzərində dayanırlar. Bu da piyadaların zolaqdan istifadəsinə çətinlik yaradır.

Avtosfer.az həmin problemli dayanacaqdan görüntüləri təqdim edir: 

Namiq Musayev