Bakıda boru partladı, nəqliyyatın hərəkəti çətinləşdi - VİDEO

Bakının Nizami rayonunda su borusunun partlaması nəticəsində küçəni su basıb. Avtosfer.az-ın Oxu.az-a istinadən məlumatına görə, hadisə Cəmşid Naxçıvanski küçəsi, 458 ünvanında baş verib. Güclü təzyiqlə yerdən fontan vuran su qısa müddətdə yolu su altında qoyub, küçə boyu axın yaranıb. Bundan əlavə, nəqliyyatın hərəkəti çətinləşib. Sakinlərin bildirdiklərinə görə, hadisə səhər saatlarından baş verib və əraziyə baxış keçirilsə də, problem aradan qaldırılmayıb.