Bakıda bu yolda işıqforun hər üç işığı eyni anda yanır - FOTO - VİDEO - YENİLƏNİB

"Qaradağ rayonu, "Rahat evlər" yaşayış kompleksinin qarşısında svetoforda texniki nasazlıq yaranıb".

Avtosfer.az xəbər verir ki, bu barədə sakinlər baku.ws-ə Daxili İşlər Nazirliyinin Nəqliyyatı İntellektual İdarəetmə Mərkəzindən bildirilib.

Qeyd edilib ki, məlumat əldə olunan kimi dərhal əməkdaşlar əraziyə yönləndirilib və problem qısa müddət ərzində aradan qaldırılıb.

***

Lökbatandan Binə Ticarət Mərkəzinə doğru hərəkət edən yolun üzərində yerləşən nəqliyyat işıqforunda ciddi nasazlıq yaranıb.

Avtosfer.az xəbər verir ki, bu barədə sakinlər baku.ws-in "qaynar xətti"nə məlumat veriblər.

Bildirilib ki işıqforun qırmızı, sarı və yaşıl işıqları eyni anda yanır.

Məsələ ilə əlaqədar Daxili İşlər Nazirliyinin Nəqliyyatı İntellektual İdarəetmə Mərkəzindən BAKU.WS-ə bildirildi ki, məsələ nəzarətə götürülüb, araşdırılır. Qısa zamanda məlumat veriləcək.