Bakıda səhər saatlarında işıqforlarının işləməməsinin səbəbi açıqlandı - FOTO - VİDEO - YENİLƏNİB

Bakının bəzi ərazilərdə bu gün səhər saatlarında işıqforların işləməməsinə aydınlıq gəlib.

Avtosfer.az oxu.az-a istinadən xəbər verir ki, Daxili İşlər Nazirliyinin Nəqliyyatı İntellektual İdarəetmə Mərkəzinin İctimaiyyətlə əlaqələr sektorunun müdiri Ömər Xıdırov bildirib ki, qeyd olunan kəsişmələrdə işıqforların işləməməsinə səbəb qurğunun özündə yaranan problem yox, ərazilərə verilən elektrik enerjisinin kəsilməsi olub.

"Qısa müddətdə əməkdaşlarımız tərəfindən aidiyyəti üzrə məlumat verilib və problem aradan qaldırılıb. Hazırda paytaxtda davam edən yağışlı hava şəraiti ilə əlaqədar işıqforlar əməkdaşlarımız tərəfindən nəzarətdə saxlanılır, onların işində hər hansı problem yaranarsa, dərhal tədbirlər görülür", - deyə Ö.Xıdırov bildirib.

***

Bakının bəzi ərazilərdə işıqforlar işləmir.

Avtosfer.az xəbər verir ki, bununla bağlı Oxu.Az-a məlumat daxil olub.

Qeyd olunub ki, paytaxtın Yusif Səfərov küçəsində və Səməd Vurğun bağı ətrafında işıqforlarda nasazlıq yaranıb.

"Küçə işıqları yanmır, işıqforlar işləmir. Yağıntılı havada belə bir vəziyyət sürücüləri çətin vəziyyətdə qoyub", - deyə məlumatda bildirilir. Məsələ ilə bağlı aidiyyəti qurumlara sorğu verilib.