Bakıda skuterin vurduğu qadının dişləri qırıldı
Hadisə
10 İyul 2025 13:53
Oxunub 282

Dünən gecə saatlarında metronun "İçərişəhər" stansiyasının yaxınlığında 14 yaşlı oğlan skuterlə hərəkətdə olarkən piyada qadını vurub.
Oxu.az-a danışan hadisə şahidinin sözlərinə görə, qadın üz nahiyəsindən xəsarət alıb, dişləri qırılıb.
Hadisə ilə bağlı Tibbi Ərazi Bölmələrini İdarəetmə Birliyindən (TƏBİB) bildirilib ki, dünən saat 23:00-da Respublika Təcili və Təxirəsalınmaz Tibbi Yardım Mərkəzinə metronun "İçərişəhər" stansiyasının yaxınlığından çağırış daxil olub:
"Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 46 yaşlı (qadın cinsli) şəxsə dodağın və ağız boşluğunun səthi travması diaqnozu ilə yerində tibbi yardım göstərilib".
ŞƏRH YAZ
DİGƏR XƏBƏRLƏR













