Bakıda sürücü sükan arxasında öldü, maşın mağazaya çırpıldı

Bakıda sürücü sükan arxasında ölüb. Avtosfer.az Lent.az-a istinadən xəbər verir ki, hadisə Sabunçu rayonu, Maştağa qəsəbəsində qeydə alınıb.  Bakı şəhər sakini, 1964-cü il təvəllüdlü Davud Salman oğlu Salamov idarə etdiyi “Ford” markalı 90 JR 489 qeydiyyat nişanlı avtomobildə ürək tutmasından ölüb. Nəticədə avtomobil yol kənarındakı mağazaya çırpılıb. Araşdırmalar aparılır.