Bakıda təmizlik işçisi özü küçəni zibillədi - VİDEO

Paytaxtın “Koroğlu” metrostansiyasının yaxınlığında (“Alov” parkının yanı) qayda pozuntusuna yol verən təmizlik işçisi kameraya düşüb.

Avtosfer.az-ın məlumatına görə, hadisə iyunun 19-da saat 11:49 radələrində qeydə alınıb. Kadrlardan görünür ki, Mənzil-Kommunal Təsərrüfat Birliyinin əməkdaşı yolu keçərkən əlində olan plastik şüşəni asfalt örtüyünün üzərinə atır.

Qeyd edək ki, şəhərin təmizliyinə cavabdeh şəxslərin belə davranışı həm xoş qarşılanmır, həm də ətrafdakılar üçün mənfi nümunə yaradır.

Xatırladaq ki, ictimai yerlərdə tullantıların zibil qutularına atılması şəhər mühitinin qorunması ilə yanaşı, cəmiyyətin ümumi davranış mədəniyyətinin formalaşmasında da mühüm rol oynayır.

Nərmin