Bakıda ticarət mərkəzində FACİƏ: Liftin şaxtasına düşüb öldü - YENİLƏNİB

Bakıda ticarət mərkəzində liftin qırılması nəticəsində ölən şəxsin kimliyi məlum olub.

Avtosfer.az oxu.az-a istinadən xəbər verir ki, hadisə dünən paytaxtın Nizami rayonu ərazisində fəaliyyət göstərən "Laçın" ticarət mərkəzinin şaxtasında baş verib. 1962-ci il təvəllüdlü Namiq Məmmədov liftin şaxtasına düşərək ağır xəsarətlər alıb. O, xəstəxanaya çatdırılsa da, orada ölüb.

Məlumata görə, N.Məmmədov Bakı Lift İdarəsinin mexaniki olub və həmin vaxt o, ticarət mərkəzinin liftini təmir edirmiş. Hadisə zamanı liftdə nasazlıq yaranıb və N.Məmmədov şaxtaya düşüb.

Faktla bağlı araşdırma aparılır.

***18:37, 5 avqust

Bakıda ticarət mərkəzində bədbəxt hadisə olub.

Avtosfer.az Lent.az-a istinadla xəbər verir ki, hadisə Nizami rayonu ərazisində yerləşən "Laçın" ticarət mərkəzində baş verib.

Burada çalışan şəxslərdən biri liftin şaxtasına düşüb. O, özəl klinikalardan birinə çatdırılsa da. həyatını xilas etmək mümkün olmayıb.

Faktla bağlı araşdırma aparılır.