Bakıda uşaq skuterlə maşın yoluna çıxaraq təhlükə yaradıb - VİDEO

Bakıda azyaşlı uşağın skuterlə hərəkətin intensiv olduğu avtomobil yoluna çıxması sürücülərə həyəcanlı anlar yaşadıb. Son anda qəzadan yayınan sürücünün qeydə aldığı görüntülər sosial şəbəkələrdə geniş müzakirəyə səbəb olub.

Avtosfer.az xəbər verir ki, kadrlarda uşağın birbaşa nəqliyyat vasitələrinin axınına tərəf irəlilədiyi və faciənin bir addımlığından dönüldüyü aydın görünür.

Təhlükə ilə üz-üzə qalan sürücü narazılığını ifadə edərək valideynləri diqqətsizlikdə ittiham edib:

“Uşağın valideynləri hara baxır? Birdən mən görməsəydim, vursaydım necə olacaqdı?” - deyə qeyd edib./baku.ws