Bakının mərkəzində bina yanır - FOTO - VİDEO - YENİLƏNİB

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Yasamal rayonu, Lev Tolstoy küçəsində yerləşən yaşayış evində yanğın baş verməsi barədə məlumat daxil olub.

Avtosfer.az xəbər verir ki, bununla bağlı FHN məlumat yayıb.

Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində ikimərtəbəli yaşayış evində baş vermiş yanğın genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 200 m² olan sökülməkdə olan evin birinci mərtəbəsinin yanar konstruksiyaları 20 m², ikinci mərtəbəsi isə 80 m² sahədə yanıb.

Xəsarət alan olmayıb.

Evin qalan hissəsi yanğından mühafizə olunub.

*** 09 iyul,  23:48

Bakının Səbail rayonunda binada yanğın başlayıb.

Avtosfer.az xəbər verir ki, hadisə Murtuza Muxtarov küçəsində iki mərtəbəli binada baş verib.

Yanğın yaxınlıqdakı iki mərtəbəli binada yerləşən mənzildə başlayıb. Alov digər mənzilə də keçib.

Hazırda yanğının söndürülməsi istiqamətində tədbirlər görülür./teleqraf