Barselona metrosunda 130-dan çox insan tüstüdən zəhərləndi

Barselona metrosunda qatarda baş verən yanğın nəticəsində ən azı 136 nəfər xəsarət alıb.

Avtosfer.az xəbər verir ki, bu barədə yerli yanğınsöndürmə xidməti məlumat yayıb.

"Yanğınsöndürənlər hüquq-mühafizə orqanlarının əməkdaşları ilə birlikdə sərnişinləri qatardan təxliyə ediblər və qısa müddətdə yanğın söndürülüb. Təcili tibbi yardım briqadaları 136 nəfərə yardım göstəriblər, onlardan 39-u yüngül və ya orta ağır vəziyyətdə xəstəxanalara çatdırılıb", - deyə yanğınsöndürmə xidmətinin saytındakı açıqlamada bildirilir.

Vurğulanır ki, hadisənin fəsadlarının aradan qaldırılması məqsədilə sözügedən metro xəttində qatarların hərəkəti müvəqqəti olaraq dayandırılıb.