Başı telefona qarışan piyada maşına çırpılmaqdan son anda qurtuldu - VİDEO

Paytaxtın Nizami rayonu, Bəhruz Nuriyev küçəsində qayda pozan piyadalar görüntülənib.

Avtosfer.az-ın məlumatına görə, hadisə aprelin 11-də saat 17:41 radələrində qeydə alınıb. Kadrlardan göründüyü kimi, bir qrup piyada yolu təyin olunmamış yerdən keçərək hərəkət iştirakçıları üçün təhlükəli vəziyyət yaradıb.

Piyadalardan birinin yolu keçərkən mobil telefondan istifadə etməsi isə diqqət dağınıqlığına səbəb olub. Bu səbəbdən o, qəza şəraitinə səbəb olub. Xoşbəxtlikdən görüntünü qeydə alan sürücü piyadanı vurmaqdan son anda xilas olub.

Qeyd edək ki, yaxınlıqda piyada keçidinin mövcud olduğu videoda aydın şəkildə əks olunub. 

Nərmin