Bələdiyyə üzvü avtomobillə 45 yaşlı qadını vuraraq ÖLDÜRDÜ - FOTO

Sumqayıtda ölümlə nəticələnən yol-nəqliyyat hadisəsi baş verib.

Avtosfer.az trend-ə istinadən xəbər verir ki, hadisə bu gün saat 13 radələrində şəhərin 49-cu məhəlləsində qeydə alınıb.

İlkin məlumata əsasən, bələdiyyə üzvünün idarə etdiyi avtomobil qadını vurub. Zərbənin təsirindən qadın divara çırpılıb, daha sonra isə avtomobilin təkəri altında qalıb.

Hadisə nəticəsində 45 yaşlı qadın aldığı xəsarətlərdən həyatını itirib.

Faktla bağlı araşdırma aparılır.