Bir ailənin üç üzvü dəm qazından zəhərləndi - YENİLƏNİB

Daşkəsəndə dəm qazından zəhərlənən bir ailənin üç üzvünün son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) Avtosfer.az-a bildirilib ki, 14 may, saat 00:30-da üç nəfər (biri qadın, ikisi kişi cinsli olmaqla) dəm qazından zəhərlənmə şübhəsilə Daşkəsən Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.

"1986, 1990 və 2017-ci il təvəllüdlü şəxslərə dəm qazının toksik təsiri diaqnozu təyin edilib və onların hər birinə zəruri tibbi yardım göstərilib.

Vəziyyətləri kafi qiymətləndirildiyindən onların hər biri ambulator müalicə üçün evə buraxılıblar", - deyə məlumatda bildirilib.

***09:07

Daşkəsəndə bir ailənin üç üzvü dəm qazından zəhərlənib. 

Avtosfer.az xəbər verir ki, 39 yaşlı Elvin Əliyev, onun həyat yoldaşı 35 yaşlı Aygün Əliyeva və 8 yaşlı övladları yaşadıqları evdə dəm qazından zəhərlənərək xəstəxanaya yerləşdiriliblər.

Faktla bağlı araşdırma aparılır.