Bu ölkədə məktəbdə ATIŞMA: ÖLƏNLƏR VAR

Filippinin cənubunda məktəbdə baş verən atışma nəticəsində 4 nəfər ölüb, 9 nəfər yaralanıb.

Avtosfer.az xəbər verir ki, hadisə Zamboanga şəhərindəki orta məktəblərdən birində dərslər başlamazdan qısa müddət əvvəl baş verib.

Milli Təhqiqat Bürosunun (NBI) məlumatına görə, silahlı şəxs tapança ilə məktəbə daxil olub. Şübhəlinin həmin məktəbin məzunu olduğu ehtimal edilir.

Atışma nəticəsində 2 tələbə və 2 təhlükəsizlik əməkdaşı həyatını itirib, 9 nəfər isə yaralanıb.

Filippin Prezidenti Ferdinand Markos Jr. hadisə ilə bağlı hərtərəfli araşdırma aparılması barədə göstəriş verib. Həmçinin məktəblərdə təhlükəsizlik tədbirlərinin gücləndirilməsi tapşırılıb.