Bu ölkədə metronu SU BASDI - VİDEO

Güclü yağış Barselonada nəqliyyatın hərəkətində ciddi problemlərə səbəb olub.

Avtosfer.az xəbər verir ki, leysan yağışlar nəticəsində şəhərin bir neçə metro stansiyasını su basıb.

 TASS-ın məlumatına görə, su basması səbəbindən bəzi metro stansiyaları bağlanıb. El Periódico-nun yaydığı görüntülərdə metro keçidlərinin tavanlarından suyun axdığı əks olunub.

Bəzi ictimai nəqliyyat marşrutlarının hərəkəti gün ərzində bərpa edilsə də, şəhərin ayrı-ayrı ərazilərində yollar bağlı qalıb.

Nəqliyyatın hərəkətinə tətbiq olunan məhdudiyyətlər və yolların bağlanması Barselonada ciddi tıxacların yaranmasına səbəb olub./ajans.az