Çapayevdə nəqliyyatın hərəkəti iflic olub - VİDEO

Hazırda Bakıda qeyri-sabit hava şəraiti müşahidə olunur. Paytaxtın bir sıra ərazilərinə dolu düşür. Avtosfer.az "Baku.ws"ə istinadən xəbər verir ki, yağıntılı hava səbəbindən şəhərin bəzi mərkəzi küçələrində nəqliyyatın hərəkətində ciddi çətinlik yaranıb. Nərimanov rayonu, Çapayev istiqamətində, ADA Universitetinin yaxınlığında avtomobillərin hərəkəti demək olar ki, dayanıb. Ərazidə svetaforların işləməməsi də vəziyyəti daha da çətinləşdirib. Nəticədə uzun tıxac yaranıb və sürücülər hərəkətdə problemlə üzləşiblər. Hazırda paytaxtda qeyri-sabit hava şəraiti davam edir.