Cəlilabadda avtomobil yanaraq kül oldu

Cəlilabad rayonunda minik avtomobili yanıb. 

Avtosfer.az report-a istinadən xəbər verir ki, hadisə rayonun Maşlıq kəndində qeydə alınıb.

Belə ki, kənd sakini Zaur Ağayevə məxsus olan "VAZ 2106" markalı avtomobil qəfildən alışıb.

Hadisə yerinə Cəlilabad rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Lakin avtomobil tamamilə yanıb.

Hadisə nəticəsində xəsarət alan olmayıb. İlkin ehtimala görə, yanğın qısaqapanmadan olub. Faktla bağlı araşdırma aparılır.