Dələduzluqda şübhəli bilinən 4 nəfər saxlanıldı

Polis əməkdaşlarının keçirdikləri tədbirlərlə Bərdə rayonunda bir nəfərin 1200 manatını dələduzluq yolu ilə ələ keçirməkdə şübhəli bilinən 32 yaşlı X.Abdurrəhimov idarə etdiyi “KİA” markalı avtomobildə Abşeron rayonu ərazisində saxlanılıb.

Avtosfer.az xəbər verir ki, digər tədbirlərlə Nəsimi rayonu ərazisində hesablarına 100 və 250 manat ödətdirməklə 2 nəfərin pulunu dələduzluq yolu ilə ələ keçirməkdə şübhəli bilinən 58 yaşlı M.Hüseynzadə və 26 yaşlı N.Miqunova, Xətai rayonu ərazisində isə bir nəfərin 1050 manatını dələduzluq yolu ilə ələ keçirməkdə şübhəli bilinən, əvvəllər də eyni əmələ görə məhkum olunmuş 43 yaşlı İ.Məmmədov polis əməkdaşları tərəfindən saxlanılıb.

Faktlarla bağlı araşdırmalar aparılır.