Dörd kəndi birləşdirən körpü qəzalı vəziyyətə düşüb - FOTOLAR

Göygöldə strateji əhəmiyyətə malik körpü qəzalı vəziyyətə düşüb. Avtosfer.az-ın “Qafqazinfo”ya istinadən məlumatına görə, buna səbəb son günlər Qərb bölgəsinə yağan leysan xarakterli yağışlar səbəb olub. Körpü Göygöl rayonunda ümumi 5 min nəfər əhalini birləşdirir. Belə ki, körpü Yeni Zod–Çaykənd–Qarabulaq–Quşçu–Sarısu avtomobil yolunun üzərindədir. Həmçinin Goranboy rayonunun Todan, Erkəc, Mənəç və Buzluq kəndlərini birləşdirir.

Qeyd edək ki, körpü 1960-cı illərdə inşa olunub.