Dubay aeroportu vuruldu - Təyyarələr eniş edə bilmir - VİDEO - YENİLƏNİB

İranın dron hücumu səbəbindən hava nəqliyyatının dayandırılmasından sonra Dubay Beynəlxalq Hava Limanı fəaliyyətini qismən bərpa edib.

Avtosfer.az-ın xəbərinə görə, bu barədə "Emirates" şirkəti öz "X" hesabında məlumat verib.

Qeyd edilib ki, şirkət vəziyyətdən asılı olaraq cədvəldə mümkün dəyişikliklərlə fəaliyyətini bərpa edib.

"Bugünkü uçuşlar üçün təsdiqlənmiş bronları olan sərnişinlər hava limanına gedə bilərlər. Bu, həmçinin Dubaydan tranzitlə keçən sərnişinlərə də aiddir, əgər onların keçid uçuşları da həyata keçirilirsə", - deyə şirkətin məlumatında bildirilib.

***12:28

İrana məxsus pilotsuz uçuş aparatı Dubay Beynəlxalq Hava Limanına düşüb. Şahidlər partlayış səsi eşitdiklərini, ardınca isə tüstü qalxdığını bildiriblər.

Avtosfer.az xəbər verir ki, sərnişin təyyarələri hava limanının üzərində dövrə vurur. Ehtimal olunur ki, onlar eniş icazəsini gözləyirlər. Hazırda Dubay sakinləri raket xəbərdarlıqları alırlar.

Məlumata görə, Dubay Beynəlxalq Hava Limanı bağlıdır, təyyarələr bir neçə saatdır ki, BƏƏ üzərində havada uçur. Aeroportun bağlandığı bildirilir.