Gecə vaxtı yolu qaçaraq keçən gənc qəza şəraiti yaratdı - VİDEO

Paytaxtda piyadaların iştirakı ilə baş verən yol-nəqliyyat hadisələri demək olar ki, hər gün qeydə alınır və bu qəzaların bir qismi ölümlə nəticələnir. Qeydə alınan hadisələrdə piyadaların payı az deyil. Xüsusilə yolu müəyyən olunmamış yerlərdən keçən, yaxınlaşan nəqliyyat vasitələrini nəzərə almayan şəxslər həm öz həyatlarını ciddi risk altına qoyur, həm də sürücülər üçün qəfil təhlükəli vəziyyət yaradır.

Belə hallardan biri Ziya Bünyadov prospektinin köməkçi yolunda müşahidə edilib. Avtosfer.az-ın məlumatına görə, hadisə aprelin 24-də saat 20:42 radələrində qeydə alınıb. Kadrlardan görünür ki, gənc oğlan günün qaranlıq vaxtında yolu müəyyən olunmamış hissədən qaçaraq keçməyə cəhd edib. Bu zaman o, həm özünü, həm də həmin ərazidə hərəkətdə olan sürücüləri təhlükə ilə üz-üzə qoyub.

Görüntülərdən aydın olur ki, piyada sürücülərin siqnal səslərinə baxmayaraq hərəkətini davam etdirib.

Nərmin