Gənc qadın 90-lıq yolda təhlükəli anlar yaşatdı - ANBAAN VİDEO

Bilgəh yolunda yol hərəkəti qaydalarını pozan piyada avtomobilin videoregistratoruna düşüb.

Avtosfer.az-ın məlumatına görə, hadisə oktyabrın 2-də saat 11:39 radələrində qeydə alınıb.

Belə ki, gənc qadın sürət həddinin 90 km/saat olduğu yolda piyada keçidi olmayan yerdən qaçaraq keçib.

Bu zaman o, həm öz həyatını təhlükəyə atıb, həm də yaxınlaşmaqda olan avtomobil üçün qəza şəraiti yaradıb. Sürücü piyadanı son anda görərək sağa manevr edib və  toqquşmanın qarşısını alıb.

Qeyd edək ki, piyadalar yolu keçərkən müəyyən olunmuş piyada keçidlərindən istifadə etməli, yolu keçməzdən əvvəl nəqliyyat vasitələrinə qədər olan məsafəni və onların sürətini düzgün qiymətləndirməlidirlər. Xüsusilə yüksək sürət həddi olan yollarda qəfil hərəkət etmək ağır nəticələrə səbəb ola bilər.

Nərmin