Gəncədə 2 nəfər qidadan zəhərləndi? - YENİLƏNİB

Gəncədə baş verən zəhərlənmə hadisəsi barədə mediada yayımlanan məlumat əsasında Azərbaycan Qida Təhlükəsizliyi Agentliyi (AQTA) aidiyyəti qurumlarla birgə araşdırmalar aparır.

Bu barədə Avtosfer.az-a AQTA-dan məlumat verilib.

Bildirilib ki, ilkin müayinə nəticəsində həmin şəxslərə dəqiqləşdirilməmiş qastroenteritlər və kolitlər diaqnozu qoyulub.

"Agentliyin mütəxəssisləri tərəfindən müvafiq nümunələr götürülərək laborator müayinələrə cəlb olunub. Araşdırmalar davam etdirilir", - deyə məlumatda qeyd edilib.

***

Gəncə şəhərində zəhərlənmə hadisəsi baş verib.

Avtosfer.az APA-ya istinadən xəbər verir ki, hadisə şəhər ərazisində qeydə alınıb.

1981-ci il təvəllüdlü Zaur Cəfərov və 1990-cı il təvəllüdlü Qədir Kazımov qida zəhərlənməsi diaqnozu ilə xəstəxanaya yerləşdiriliblər.

Onlara dərhal tibbi yardım göstərilib. Hazırda hər iki şəxsin vəziyyətinin kafi olduğu bildirilir.

İlkin məlumata görə, zəhərlənməyə qəbul etdikləri qida səbəb olub.

Faktla bağlı araşdırma aparılır.