Gəncədə 33 yaşlı kişi bıçaqlandı; saxlanılan var - YENİLƏNİB

Gəncədə bıçaqlanma hadisəsi baş verib.

Avtosfer.az qafqazinfo-ya istinadən xəbər verir ki, hadisə şəhərin Atatürk prospektində qeydə alınıb.

Belə ki, 1993-cü il təvəllüdlü Rəşad Məmmədov kürək nahiyyəsindən bıçaqlanıb. O, xəstəxanalardan birinə yerləşdirilib.

İlkin məlumata görə, onu 1996-cı il təvəllüdlü Ayxan Cəfərov bıçaqlamaqda şübhəli bilinir.

Faktla bağlı polis əməkdaşları tərəfindən araşdırma aparılır.

***

Polisin keçirdiyi müvafiq tədbirlər nəticəsində A.Cəfərov saxlanılaraq istintaqa təhvil verilib.