Gəncədə yaşayış evi yandı - FOTOLAR - YENİLƏNİB

Gəncədə fərdi yaşayış evlərinin birində yanğın başlayıb.

Avtosfer.az qafqazinfo-ya istinadən xəbər verir ki, hadisə şəhərin “Totanlı” adlanan ərazisində qeydə alınıb.

Yanğının söndürülməsi üçün əraziyə yanğınsöndürən texnika və canlı qüvvə cəlb edilib. Alovun qarşısının alınması istiqamətində iş aparılır.

***

Gəncədə Fəridə Əliyarbəyli küçəsi 41 ünvanında yerləşən Tahirə Cəfərovaya məxsus fərdi yaşayış evində baş verən yanğın söndürülüb.

Yanğının söndürülməsi üçün əraziyə 3 yanğınsöndürən avtomobil və 30-a yaxın canlı qüvvə cəlb olunub. Hadisə zamanı ikiotaqlı yaşayış evi əşyalarla birlikdə tamamilə yanaraq külə dönüb.

İlkin ehtimala görə, yanğın elektrik naqillərində qısaqapanma nəticəsində baş verib.