Geniş yolda qəfil kapotu açılan maşın qəza şəraiti yaratdı – ANBAAN VİDEO

Paytaxtın əsas yollarından birində təhlükəli anlar yaşanıb.

Avtosfer.az xəbər verir ki, hərəkətdə olan avtomobilin kapotu qəfil açılaraq sürücünün ön görmə sahəsini tamamilə məhdudlaşdırıb. Sürücü çətinliklə də olsa, avtomobili saxlaya bilib və xoşbəxtlikdən qəza baş verməyib. Hadisə yoldakı digər hərəkət iştirakçılarını da təəccübləndirib və bu cür səhlənkarlığın ciddi fəsadlara səbəb ola biləcəyi bir daha sübut olunub.

Hadisənin görüntüləri Baş Dövlət Yol Polisi İdarəsinin İctimai Qurumlarla Əlaqə Şöbəsinin sosial media hesabında paylaşılıb. Paylaşımda deyilir:
"Yollarda təhlükəsizlik məsuliyyət tələb edir!

Hərəkətdə ikən kapotun qəfil açılması sürücünün görüntüsünü tamamilə məhdudlaşdırır və ciddi qəza təhlükəsi yaradır.

Yola çıxmazdan əvvəl avtomobilin texniki vəziyyətinə mütləq nəzarət edin.

Kiçik bir səhlənkarlıq – böyük faciəyə yol aça bilər.

Unutmayın: Təhlükəsizliyin başlanğıcı – yoxlamadır!"

Eltac Zülfüqaroğlu