Girne sahillərində batan gəmidə itkin düşən daha iki nəfərin meyiti tapılıb

Şimali Kiprin Girne şəhəri sahillərində batan sərnişin gəmisində itkin düşən daha 2 nəfərin meyiti tapılıb.

Avtosfer.az xəbər verir ki, bu barədə NTV məlumat yayıb.

Qeyd olunub ki, meyitlər gəminin batdığı ərazidən 1 km məsafədə 570 metr dərinlikdə tapılıb. Meyitlərin kimliyinin müəyyənləşdirilməsi üçün aidiyyəti qurumlar DNT analizi aparacaq. Digər itkinlərin axtarışı davam etdirilir.

Xatırladaq ki, avqustun 30-da Şimali Kiprin Girnə sahillərində gəmi qəzaya uğrayıb. Gəmidə olan 239 nəfər xilas olunub. Bu gün tapılanlar da nəzərə alınmaqla qəzada ölənlərin sayı 17-yə çatıb, itkin düşmüş sərnişin sayı isə 11-dir.

Hadisə ilə bağlı üçü Azərbaycan vətəndaşı olmaqla 9 nəfər saxlanılıb.