Goranboyda 13 yaşlı qız dəm qazından öldü - YENİLƏNİB

"20.12.2025-ci il tarixində saat 15:40 radələrində 2012-ci il təvəllüdlü azyaşlı (qadın) yaxınları tərəfindən Goranboy Rayon Mərkəzi Xəstəxanasına gətirilərkən həyat əlaməti müşahidə olunmayıb".

Avtosfer.az xəbər verir ki, bu barədə Goranboy Rayon Mərkəzi Xəstəxanasının məlumatında bildirilib.

"Həkimlər tərəfindən azyaşlının ölüm halı təsdiq olunub", - deyə məlumatda qeyd edilib.

***17:24

Goranboyda 13 yaşlı qız dəm qazından zəhərlənərək ölüb.

Avtosfer.az xəbər verir ki, hadisə rayon ərazisində qeydə alınıb.

Belə ki, 2012-ci il təvəllüdlü N. Cəfərova yaşadığı evin vanna otağında dəm qazından zəhərlənərək ölüb.

Faktla bağlı Goranboy rayon Prokurorluğunda araşdırma başlanılıb./qafqazinfo