Goranboyda məktəblilər pambıqdan zəhərləndi

Goranboy rayonunda 9 yaşlı iki məktəbli zəhərlənib.

Avtosfer.az xəbər verir ki, rayonun Səfikürd kənd tam orta məktəbinin 3-cü sinif şagirdləri - 2016-ci il təvəllüdlü N. Kərimova və həmyaşıdı S. Əliyev zəhərlənmə diaqnozu ilə Goranboy Rayon Mərkəzi Xəstəxanasına yerləşdirilib.

Onların pambıq şirniyyatı kimi tanınan peşməkdən zəhərləndiyi bildirilib.

Hazırda onların vəziyyətləri stabildir.