Göyçayda “KIA” qəfil alovlandı – Vətəndaşlar yanğını söndürdü - VİDEO

Göyçay rayonunda minik avtomobilində yanğın hadisəsi qeydə alınıb.

Avtosfer.az-ın məlumatına görə, hadisə iyulun 15-də səhər saatlarında baş verib. Belə ki, hərəkətdə olan “KIA” markalı avtomobil qəfil tüstülənməyə başlayıb. Qısa müddət sonra nəqliyyat vasitəsinin mühərrik hissəsində yanğın yaranıb.

Hadisə yerində olan vətəndaşlar operativ müdaxilə edərək alovun avtomobili tamamilə bürüməsinin qarşısını alıblar. Nəticədə yanğın söndürülüb, lakin avtomobilin ön hissəsinə maddi ziyan dəyib.

İlkin ehtimala görə, yanğına səbəb elektrik naqillərində yaranmış nasazlıq və ya qısaqapanma olub.

Nərmin