İmişlidə kişinin evdə yanaraq ölməsinin TƏFƏRRÜATI - YENİLƏNİB

İmişli rayonunu Qaralar kəndində fərdi yaşayış evində baş verən yanğın hadisəsinin təfərrüatı məlum olub.

Avtosfer.az oxu.az-a istinadən xəbər verir ki, bu gün səhər saatlarında kənd sakini 1969-cu il təvəllüdlü Akif Mədət oğlu Abşova məxsus evdə qısaqapanma nəticəsində yanğın hadisəsi baş verib. Hadisə nəticəsində ev sahibi də yanıb ölüb.

Onun meyiti Fövqəladə Hallar Nazirliyinin İmişli Rayonu Yanğından Mühafizə Xidmətinin əməkdaşları tərəfindən aşkarlanıb.

Məlumata görə, A.Abşov tək yaşayırmış və revmatizm xəstəliyindən əziyyət çəkdiyindən hərəkət məhdudiyyətli olub.

Hadisə nəticəsində o, mənzili tərk etməyə çalışsa da, mümkün olmayıb.

***

İmişli rayonunu Qaralar kəndində fərdi yaşayış evi yanıb.

Avtosfer.az APA-ya istinadla xəbər verir ki, kənd sakini Akif Mədət oğlu Abşova məxsus evdə baş verən yanğının söndürülməsinə İmişli Rayonu Yanğından Mühafizə Xidmətinin canlı qüvvəsi və texnikası cəlb olunub.

Yanğın lokallaşdırılıb. Hadisə zamanı ev sahibi də yanaraq ölüb. Onun yanmış meyiti yanğınsöndürənlər tərəfindən aşkar edilib.

Faktla bağlı araşdırma aparılır.