İşıqforu saymayan qadın avtomobil yaxınlaşarkən yolu keçdi - VİDEO

Paytaxtın Nizami rayonu, Rüstəm Rüstəmov küçəsinin köməkçi yolunda piyadaların yol hərəkəti qaydalarını kobud şəkildə pozması kameraya düşüb. 

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Kadrlardan görünür ki, qadın piyadalar işıqforun yaşıl siqnalını gözləmədən, həmçinin yolu müəyyən olunmamış hissədən keçərək  təhlükəli vəziyyət yaradıblar. Hətta onlardan biri sürücünün sürəti azaltmasına baxmayaraq, avtomobil yaxınlaşdığı anda yolu keçir. 

Ərazidə piyada keçidinin mövcud olduğu da videoda aydın şəkildə görünür.

Bu cür davranışlar piyadaların özlərini riskə atmaqla yanaşı, sürücüləri də qəfil və təhlükəli manevrlərə məcbur edir. Xüsusilə intensiv hərəkətin olduğu küçələrdə bir neçə saniyə “qənaət etmək” istəyi bəzən daha ağır nəticələrə səbəb ola bilər.

Nərmin