İstanbulda küçədə silahlı İNSİDENT

İstanbulun Kartal rayonunda küçədə baş verən davadan sonra şübhəli şəxs evinə gedərək tüfəng götürüb və insanların olduğu ərazidə ard-arda atəş açıb.

Avtosfer.az HaberGlobal-a istinadla xəbər verir ki, hadisə Hürriyet məhəlləsində baş verib. İddiaya görə, iki qrup arasında naməlum səbəbdən başlayan davadan sonra tərəflərdən biri evinə qayıdaraq tüfəng götürüb.

Daha sonra küçəyə çıxan şübhəli 4 dəfə atəş açaraq hadisə yerindən uzaqlaşıb. Atəş səsləri ərazidə qısa müddətlik panikaya səbəb olub.

Hadisə anı mobil telefon kamerası ilə lentə alınıb.