İsti havaya görə suda boğulanların sayı artır

Anomal istilərdən əziyyət çəkən Avropada on minlərlə insanın açıq su hövzələrinə üz tutması faciəvi hadisələrlə nəticələnib. 

Avtosfer.az xəbər verir ki, son bir neçə gündə Almaniyada 26 nəfər suda boğulub. Onların bir neçəsinin cəsədi hələ aşkar edilməyib. Bu barədə Almaniya Xilasedicilər Assosiasiyası məlumat yayıb. 

Qurumun açıqlamasında deyilir ki, müxtəlif su hövzələrində çimən 11 nəfər reanimasiyaya yerləşdirilib. Boğulma hallarının əksəriyyəti çimmək üçün nəzərdə tutulmamış ərazilərdə qeydə alınıb.  

Fransada ötən həftə 74 nəfər qadağan edilmiş ərazilərdə çimərkən həyatını itirib. Paytaxt Parisdə isə təkcə bir gündə Sena çayından körpüyə atlanan 50-dən çox yerli sakin və turist ciddi travma alıb.

Vüqar