İki kişi bir-birinə bıçaq və nərdivanla hücum etdi; polis ARAŞDIRMAĞA BAŞLADI - VİDEO

Paytaxtın Yasamal rayonu iki orta yaşlı kişi arasında dava düşüb.

Avtosfer.az-ın məlumatına görə, ərazidən keçən vətəndaşlardan biri insidenti lentə alaraq sosial şəbəkə hesabında paylaşıb. Hadisə oktyabrın 22-də axşam saatlarında Abbas Mirzə Şərifzadə küçəsində qeydə alınıb. Kadrlardan aydın olduğu kimi, dava zamanı tərəflərdən birinin əlində bıçaq, digərinin isə taxta nərdivan olub. Belə ki, nərdivan tutan şəxs qarşı tərəfi bir neçə dəfə bel nahiyəsindən vurub. Zərbələr nəticəsində digər şəxsin əlindəki bıçaq yerə düşüb. O, bıçağı götürərkən yenə vurulub. Daha sonra vurulan kişi qarşı tərəfə rus dilində bir neçə dəfə “Sənan etmə” deyərək xəbərdarlıq edib. Lakin digər şəxs buna məhəl qoymadan nərdivanla onun üzərinə getməyə davam edib. Bıçaqla silahlanan şəxs sonda pilləkəndən aşağı məhləyə qaçaraq özünü qorumağa çalışıb.

Avtosfer.az-ın əldə etdiyi məlumata görə, mübahisəni əks etdirən görüntülərlə bağlı polis araşdırma aparır.

Nərmin