Kəlbəcərdə traktor minaya düşdü - Xəsarət alan var - FOTO

Kəlbəcərdə traktor minaya düşüb. Avtosfer.az-ın "Unikal"a istinadən məlumatına görə hadisə rayonun Susuzluq kəndində baş verib. Kəndin yaxınlığına traktor minaya düşməsi nəticəsində partlayış qeydə alınıb.Bu zaman Kürdəmir rayon sakini 1989-cu il təvəllüdlü Rəşadət Əsədov yüngül xəsarət alıb. Həmin şəxs xəstəxanaya aparılıb. Qeyd edək ki  ötən gün Goranboyda Kəlbəcər rayon sakini  45 yaşlı Qabil Abbasov da minaya düşüb.

***

Kəlbəcərdə trakorun minya düşməsinin bəzi detalları məlum olub. Məlumata görə, Kəlbəcərdə yerləşən şirkətlərin birnə məxsus "Avtoqreyder" markalı traktor ( avtomobil yollarının, aerodrom örtüklərinin salınması) Susuzluk kəndi ərazisində yol çəklişi zamanı minaya düşüb. Bu zaman traktorun sürücüsü 36 yaşlı Rəşadət Əsədov xəsarət alaraq Kəlbəcərdə yerləşən xəstəxanaların birinə yerləşdirilib.

Qeyd edək ki hadisənin baş verdiyi kənd də 2022-ci illin iyunun 4-də saat 11 radələrində Kəlbəcər rayonunun Susuzluq kəndi ərazisindəki yolda çəkiliş qrupunun üzvlərini aparan nəqliyyat vasitəsi tank əleyhinə minaya düşüb. Hadisə nəticəsində 3 nəfər - Sirac Abışov (AzTV-nin operatoru), Məhərrəm İbrahimov (AZƏRTAC-ın müxbiri) və Arif Əliyev (RİH başçısının Susuzluq kənd inzibati ərazi dairəsi üzrə nümayəndəsinin müavini) həlak olub, digər 4 nəfər isə müxtəlif dərəcəli bədən xəsarətləri alaraq xəstəxanaya yerləşdiriliblər.

Bu gün baş verən hadisə ilə bağlı araşdırmaya başlanıb.