Kuryer qadın motosikleti yolun ortasında saxlayıb sürücü ilə mübahisə etdi - VİDEO

Türkiyədə, Kağıthane bölgəsində TEM magistralında çəkilən görüntülər sosial şəbəkələrdə geniş müzakirələrə səbəb olub. 

Avtosfer.az xəbər verir ki, qarşısında dəbilqə taxmayan uşağı ilə hərəkət edən motosiklet sürücüsü sağ zolağa keçdiyi anda ona səs siqnalı verən avtomobil sürücüsünün qarşısında qəfil dayanaraq mübahisə etməyə başlayıb.

Hadisə zamanı motosikletçi yolun ortasında dayanaraq özünü və uşağı təhlükəyə atıb. Digər motosikletçinin də xanım sürücüyə kömək məqsədilə dayandığı, həmin motosikletdə isə biri uşaq olmaqla üç nəfərin eyni anda səyahət etdiyi görüntülərdə aydın görünür.

Yolun ortasında edilən bu təhlükəli davranış həm özləri, həm də digər hərəkət iştirakçıları üçün ciddi risk yaradıb. Hadisə ilə bağlı araşdırma aparılır.

Eltac Zülfüqaroğlu