Lənkəranda avtomobil yol kənarındakı satıcını vurub öldürdü

Lənkəran rayonunun Vivan kəndində yol-nəqliyyat hadisəsi baş verib.

Avtosfer.az xəbər verir ki, hadisə bu gün saat 15:00-da qeydə alınıb.

Belə ki, Əfsələddin Xaqani oğlu Tağıyev idarə etdiyi "Opel Astra" markalı, 10-DP-407 dövlət nömrə nişanlı avtomobillə yol kənarında kiçik ticarətlə məşğul olan 1986-cı il təvəllüdlü Turab İlham oğlu Şərifovu vurub.

Hadisədən dərhal sonra T.Şərifov Lənkəran Rayon Mərkəzi Xəstəxanasına çatdırılsa da, həkiməqədər ölüm faktı qeydə alınıb.

Faktla bağlı araşdırma aparılır.