Maşın yolunu səkiyə çevirən piyada özünə haqq qazandırdı: “O boyda yol sənə azlıq edir?” - VİDEO

Bakıda qayda pozan piyada avtomobilin kamerasına düşüb. 

Avtosfer.az-ın məlumatına görə, hadisə mayın 26-da saat 12:08 radələrində qeydə alınıb. Görüntülərdə yaşlı bir kişinin piyada üçün nəzərdə tutulmayan hissədən, hərəkətdə olan nəqliyyat vasitələrinin keçdiyi yolla irəlilədiyi görünür.

Bu zaman o, qarşı istiqamətdən gələn avtomobil üçün qəza şəraiti yaradıb. Sürücü təhlükənin qarşısını almaq məqsədilə siqnal verərək piyadaya xəbərdarlıq edib. Siqnal səsindən sonra piyada dayanaraq yol kənarına çəkilib.

Daha sonra sürücü piyadaya irad bildirərək “Qardaş, səkini piyadalar üçün qoyublar elə bil” deyib. Piyada isə cavabında “Maşın gözləyirəm. O boyda yol sənə azlıq edir?” ifadəsi ilə hərəkətini əsaslandırmağa çalışıb.

Nərmin