Maşınları görə-görə yolayrıcına girən skuter sürücüsü təhlükə saçdı - VİDEO

Paytaxtın Nəsimi rayonu, Rəşid Behbudov küçəsində qayda pozan skuter sürücüsü kameraya düşüb.

Avtosfer.az-ın məlumatına görə, hadisənin görüntüləri “TikTok” sosial şəbəkəsində paylaşılıb. Kadrlardan göründüyü kimi, skuter sürücüsü sağ tərəfdən yaxınlaşan nəqliyyat vasitələrinə məhəl qoymadan hərəkətinə davam edir. O, nizamlanan yolayrıcında dayanmaq əvəzinə hərəkətini davam etdirərək yolayrıcına daxil olur. Bu zaman o, görüntünü qeydə alan avtomobilin qarşısına qəfil çıxaraq qəza şəraiti yaradır.

Videoda skuteri idarə edən gəncin sağ tərəfdən yaxınlaşan avtomobili gördüyü də aydın şəkildə əks olunub. Buna baxmayaraq, o, həm özünü, həm də sürücünü təhlükə atır.

Qeyd edək ki, nizamlanan yolayrıcında işıqforun müvafiq siqnalının tələbinə əməl etməli, hərəkətə icazə verilməyən halda yolayrıcına daxil olmamalıdır.

Nərmin