Maşınların arasından çıxan piyada qəzadan güclə qurtuldu - VİDEO

Paytaxtın Həsən Əliyev küçəsində qayda pozan piyada təhlükəli vəziyyət yaradıb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Kadrlardan göründüyü kimi, piyada nəqliyyat vasitələrinin arasından qəfil çıxaraq yolu keçməyə çalışıb. Bu zaman o, yaxınlaşmaqda olan avtomobilə son anda diqqət yetirərək dayanır.

Ərazidə piyada keçidi olsa da, piyada yolu müəyyən olunmamış hissədən keçməyə cəhd edib. Videoda bəzi digər piyadaların da piyada keçidindən istifadə etmədiyi aydın görünür.

Qeyd edək ki, piyadaların yolu yalnız onlar üçün nəzərdə tutulmuş keçidlərdən keçməsi həm öz təhlükəsizlikləri, həm də nəqliyyat vasitələrinin hərəkətinin təhlükəsiz təşkili baxımından vacibdir.

Nərmin