Məscidə silahlı hücum edildi - 9 nəfər öldü

Yəmənin Əl-Beyda vilayətində məscid atəşə tutulub, 9 nəfər ölüb, 12 nəfər yaralanıb. Avtosfer.az-ın APA-ya istinadən xəbərinə görə, bu barədə “Al Hadath” telekanalı məlumat yayıb. Hadisə iyunun 7-də Qurban bayramıyla əlaqədar Karn əl-Əsəd kəndində axşam namazı zamanı baş verib. Məscidi atəşə tutan şəxs hadisədən yarım saat sonra saxlanılıb. Onun psixi problemlərdən əziyyət çəkdiyi bildirilir.