Məşhur müğənni SAXLANILDI - YENİLƏNİB

Xaricdən qayıdarkən İstanbul Hava Limanında saxlanılan məşhur türkiyəli müğənni Edis məhkəmə nəzarəti altında sərbəst buraxılıb.

İstanbul Baş Prokurorluğu tərəfindən aparılan narkotik araşdırması çərçivəsində barəsində saxlanma qərarı verilən sənətçi hava limanında polis əməkdaşları tərəfindən saxlanılaraq bölməyə aparılıb. Dindirildikdən sonra ondan qan və saç nümunələri götürülməsi üçün Məhkəmə Tibbi Ekspertizası İnstitutuna göndərilib.

Prosedurlar tamamlandıqdan və ifadəsi alındıqdan sonra Edis məhkəmə nəzarəti qətimkan tədbiri ilə azadlığa buraxılıb. Hazırda istintaq tədbirləri davam etdirilir.

Müğənni daha əvvəl məsələ ilə bağlı açıqlamasında qeyd etmişdi ki, bütün rəsmi proseslərdə əməkdaşlığa hazırdır:

“Qeyd olunan məsələlərlə heç bir əlaqəm yoxdur. Vicdanım təmizdir və siz də təmiz olmalısınız”.

***27 fevral, 14;11
Türkiyədə tanınmış müğənni Edis Görgülü "narkotik maddə saxlamaq və satmaq" ittihamı ilə saxlanılıb.

Avtosfer.az xəbər verir ki, bu barədə NTV məlumat yayıb.

Haqqında həbs qərarı verilən, lakin xaricdə olduğunu iddia edən müğənni Edis Görgülünün hava limanında saxlanıldığı bildirilir.

Qeyd edək ki, Türkiyədə aparılan istintaq çərçivəsində həyata keçirilən əməliyyatlarda xeyli məşhur saxlanılıb.