Milyard yaşlı muzey eksponatları oğurlandı

Bonn Universitetinin Paleontologiya muzeyindən yüzdən çox daşlaşmış eksponat oğurlanıb.

Avtosfer.az xəbər verir ki, bu barədə ARD kanalı məlumat yayıb. Oğurlanan eksponatların hər birinin kütləsi 70-100 kiloqram aralığındadır. Onların əksəriyyətinin yaşı 1 milyard ildən çoxdur.

Maraqlıdır ki, naməlum şəxslər vitrinləri qıraraq hər birinin dəyəri 10 min avro olan eksponatları çıxarsalar da, qapılarda heç bir zədə yoxdur. Oğurluğun hansı üsulla törədildiyi müəmma olaraq qalır.

Universitet bütün dünyada muzeylərə və kolleksiyaçılara müraciətində bu eksponatları almamağı xahiş edib.

Xoşbəxtlikdən oğrular ən dəyərli eksponatlar olan qədim at və quş çıxara bilməyiblər. Vitrində onların gipsdən hazırlanan mulyajı yer alırdı. Oğrular məhz bunları aparıblar, orijinal isə fondda qalır.

Vüqar