Müəssisədə partlayış - 23 ölü

Rusiyanın Çelyabinsk vilayətinin Kopeysk şəhərində müəssisədə baş verən partlayışda ölənlərin sayı 23 nəfər olub.

Avtosfer.az yerli mediaya xəbər verir ki, bu barədə yerli hökumət orqanları məlumat veriblər.

Məlumata görə, 16 meyit tapılıb, daha 7 nəfərin qalıqları identifikasiya edilməlidir.

Partlayışla bağlı Rusiya İstintaq Komitəsi sənaye təhlükəsizliyi tələblərinin pozulması ilə bağlı cinayət işi açıb. Regional hökumət partlayışın dron zərbəsindən qaynaqlandığına dair versiyanı istisna edib.