Naxçıvanda evdən ər və arvadın meyiti tapıldı - YENİLƏNİB

Naxçıvanda fərdi yaşayış evindən iki nəfərin meyiti tapılıb.

Avtosfer.az-a Baş Prokurorluğunun Mətbuat xidmətindən verilən məlumata görə, fakt üzrə rayon prokurorluğunda araşdırma aparılır.

"Martın 22-də Babək rayonu Yarımca kəndi ərazisində yerləşən fərdi yaşayış evlərindən birinin hamam otağında iki nəfərin (ər və arvad) meyitinin aşkar edilməsi faktı üzrə rayon prokurorluğunda araşdırma aparılır", - məlumatda vurğulanıb.

Xatırladaq ki, martın 22-də Babək rayonunun Yarımca kəndində Baxşəli Yunis oğlu Allahverdiyev və onun həyat yoldaşı Gülnarə Xalıqverdi qızı Hüseynovanın meyitləri yaşadıqları mənzildən tapılıb.

***09:36

Naxçıvanda ər-arvad yaşadıqları evdə ölmüş vəziyyətdə tapılıblar.

Avtosfer.az xəbər verir ki, hadisə Babək rayonunun Yarımca kəndində qeydə alınıb.

İlkin məlumata əsasən, 40 yaşlı Baxşəli Allahverdiyev ilə 34 yaşlı arvadı Gülnarə Hüseynovanın üzərində xəsarət izləri müəyyən edilməyib.

Prokurorluq hadisənin baş vermə səbəbini araşdırır./qafqazinfo