Neftçalada ad günündə 5 nəfər zəhərləndi - YENİLƏNİB

Neftçala rayonunun Bankə qəsəbəsində zəhərlənmə hadisəsi baş verib.

Avtosfer.az oxu.az-a istinadən xəbər verir ki, beş nəfərin qidadan zəhərləndiyi ehtimal olunur.

Neftçala Rayon Mərkəzi Xəstəxanasından qeyd olunub ki, fevralın 17-də saat 03:20-də beş nəfər (üç kişi, iki qadın) zəhərlənmə şübhəsi ilə Təcili tibbi yardım şöbəsinə hospitalizasiya olunub:

"Onlara dəqiqləşdirilməmiş bakterial qida mənşəli zəhərlənmə diaqnozu təyin olunub və zəruri tibbi yardım göstərilib.

Vəziyyətləri orta ağır qiymətləndirilən şəxslərin müalicəsi Təcili tibbi yardım şöbəsində davam etdirilir".

***

Neftçala rayonunda zəhərlənmə hadisəsi qeydə alınıb.

Avtosfer.az xəbər verir ki, hadisə rayonun Bankə qəsəbəsində keçirilən ad günü məclisində baş verib.

Həmin tədbirdə iştirak edən 5 qohum gecə saatlarında qidadan zəhərlənmə diaqnozu ilə Neftçala Rayon Mərkəzi Xəstəxanasına çatdırılıb. Onlara tibbi yardım göstərilib.

Faktla bağlı araşdırma aparılır./qafqazinfo