Novxanı yol kənarında ölmüş itlər tapılıb - VİDEO

Abşeron rayonunda itlərin kütləvi şəkildə ölməsi ilə bağlı iddialar narahatlıq yaradıb.

Avtosfer.az xəbər verir ki, sosial şəbəkələrdə yayılan görüntülərdə bir neçə itin yol kənarında hərəkətsiz vəziyyətdə qaldığı əks olunub. Novxanı qəsəbəsində qeydə alınan kadrları çəkən vətəndaş iddia edir ki, heyvanlara avtomobil vurulmayıb, onların zəhərlənərək öldüyü ehtimal olunur.

Onun sözlərinə görə, itlərin bəzilərinin ağzından köpük gəldiyi müşahidə edilib ki, bu da zəhərlənmə ehtimalını gücləndirir. Vətəndaş bildirib ki, heyvanların bədənində zərbə izləri görünməyib.

Məsələ sosial şəbəkələrdə geniş müzakirələrə səbəb olub. İstifadəçilər hadisənin araşdırılmasını və əgər zəhərlənmə faktı təsdiqlənərsə, məsul şəxslərin müəyyən edilərək cəzalandırılmasını tələb edirlər.

Eltac Zülfüqaroğlu