Paytaxtda evdən və avtomobildən oğurluq edənlər saxlanılıblar

Oktyabrın 19-da paytaxtın Nizami rayonundakı evlərin birindən talama cinayəti baş verib.  Bu barədə Avtosfer.az-a Daxili İşlər Nazirliyindən məlumat verilib. Zərərçəkən polisə müraciət edərək yaşadığı evdən 9000 manatın oğurlanmasını bildirib. Nizami RPİ 24-cü Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən əvvəllər narkotiklə əlaqəli cinayətə görə məhkum olunmuş 45 yaşlı R.İmanov müəyyən edilərək saxlanılıb. Nəsimi rayonunda isə avtomobildən 300 manat oğurlamaqda şübhəli bilinən paytaxt sakini 38 yaşlı Ə.Rzazadə də polis əməkdaşları tərəfindən müəyyən olunaraq saxlanılıb. Faktlarla bağlı araşdırma aparılır.